Ռաս-ալ-Խայմայի տեսարժան վայրերն ու զվարճությունները

Պետության ամենահին էմիրությունն է:

1. Հին քաղաք. Ջուլֆարը նախկինում հայտնի է եղել որպես ադամանդի առևտրի ծաղկուն կենտրոն: Այժմ այնտեղ աշխատում են հնեաբանները: Գերազանց վայր է զբոսանքների համար:

2. Դիտաշտարակներ. Ջազիրատ Ալ Համրա (Jazirat al Hamra) - գյուղի պահակակետերն են եղել ցամաքի կողմից: Դիտակետեր տեղակայված են ողջ էմիրաթով, և ծառայել են քոչվորների հարձակումներից պաշտպանելու համար: Նրանց ընդհանուր թիվը հասնում է 60-ի, որոնց մեծ մասը վերանորոգված է:

3. Բերդեր. Հին գյուղի գլխավոր կառույցը տպավորիչ աշտարակով կիսաքանդ բերդն է: Այդ մասից սկսվում են նեղլիկ ավազոտ փողոցները` գյուղական տների բարձր քարե պատերով սահմանափակված, որոնց կառուցման համար օգտագործվել են կորալներ, արմավենու ցողուններ, մանգրայի ճյուղեր: Տները զով են ամռանը, լուսավորվում են բաց դռներով և, մասնակիորեն, առաստաղի օդանցքով: Արժե այցելել նաև Ֆալայա բերդը (Falaya), որտեղ 1820թ. տեղացի շեյխերի և անգլիացիների միջև համաձայնագիր է ստորագրվել: Կառույցը մեծ հետաքրքրություն է առաջացնում զբոսաշրջիկների մոտ:

4. Խատտ (The Khatt) - ռոմանտիկ վայր է՝ ժայռի հիմքից բխող տաք աղբյուրով: Ջուրը լցվում է ավազան, որտեղ կարելի է բուժական լոգանք ընդունել (բաժանված է տղամարդկանց ու կանանց մասերի):
Նախկինում ժայռի վրա դիտաշտարակներից հսկել են աղբյուրները: Այժմ դրանք բետոնապատ են պերիմետրով: Այցելությունը վճարովի է: Համարվում է բալնեոլոգիական առողջարան: 2006թ. բացվել է առաջին թերմալ հյուրանոցը (Khatt Springs):

5. Վադի Ազիմա. Հաճելի զգացողություններ է պարգևում դեպի Wadi Asimah ավտոմեքենայով արշավանքը լեռնային ճանապարհով: Վերջնակետում կհանդիպեք արմավենիներով և օլեանդրի թփերով շրջապատված լայնարձակ ջրամբարներ:

6. Վադի Կավր. 3000 տարի առաջ Wadi Qawr տեղանքը եղել է խիտ բնակեցված: Այստեղ հայտնաբերվել են գերեզմանոցներ և երկաթե դարի բնակավայրեր, որտեղ գտնվել են փափուկ քարից (այժմ հայտնի է որպես տալկ) պատրաստված անոթներ: Գտնվում է Ռաս Ալ Խայմայի ամենահարավային մասում՝ Օմանի սահմանին:

7. Ուղտերի վազք. Ռաս Ալ Խայմա էմիրաթի բնակչության ավանդական զվարճությունն է:
Վազքն անցկացվում է յուրաքանչյուր տարի սեպտեմբերի կեսերից մինչև ապրիլ: Դրա համար նախատեսված հատուկ արշավարանը Ռաս Ալ Խայմայում կառուցվել է համեմատաբար վերջերս:

8. Ավիաակումբ. Իր մեջ ներառում է երկու հրապարակ և երեք թռիչքուղի: Ակումբում կարելի է ուսուցանել օդաչուի վարպետություն: Տրվում է վկայական:
Կա տուրիստների հետ թռիչքի ծառայություն: Թռչնի թռիչքի բարձրությունից զբոսաշրջիկները հիանում են անսահման անապատի գեղատեսիլ պատկերով, թմբերով, կանաչ ֆերմաներով, արգելոցներով, ծովափով:

- մանրամասն տեղեկատվության կարող եք ծանոթանալ մեր գրասենյակում:

Դուբայում
Շարժայում
Աբու Դաբիում
Ֆուջեյրայում
Աջմանում
Ռաս-ալ-Խայմայում
Ումմ-ալ-Քուվեյն